Problemstilling: Kva rolle spelar media i ein globalisert verden?
I denne teksten skal eg ta føre meg kva rolle media spelar i ein globalisert verden. Asbjørnsen m. fl. Skriv at samfunnet i dag har både menneske med ulik kulturell bakgrunn og nasjonar i alle verdshjørne meir kontakt med kvarandre enn nokon gong før (Mediemøte 2, s. 91). Media speler ei viktig rolle for denne kontakten, nettopp det som dannar globalisering.
Verda krympar, vi kallar det globalisering. ”Globaliseringa har både teknologiske, økonomiske, miljømessige, ideologiske og kulturelle dimensjonar (Asbjørnsen m.fl. S.92). I mediemøte 2 blir omgrepet globalisering definert klar å tydeleg på denne måten:
”Globalisering har vorte eit mykje brukt ord som var ukjent for dei fleste fram til midten av 1990-åra. Globalisering vil seie av nasjonsgrensene blir mindre viktige enn før, og at det veks fram ei større bevisstheit om at verda er ein heilskap, på godt og vondt. Globalisering er ikkje ein stabil tilstand, men mange samtidige prosessar som endrar seg heile tida.”
(Mediemøte 2, s. 92).
Desse prosessane fører til ei tettare og meir open verd, der alle er avhengige av kvarandre. Asbjørnsen m. fl. fortel at media spelar ei heilt sentral rolle i dette, både som ein del av og ein kanal for globaliseringa (Mediemøte 2, s.92). Nærliggjande døme er mobiltelefonar og e-post, som gir raskare informasjon og tettare kommunikasjon både mellom individ og som reiskapar i journalistikk (Mediemøte 2, s. 92).
Eit døme som gir oss sterkt inntrykk på kor stor makt media her i den globale verda finn me i den evige karikaturstriden. ”En karikatur er en komisk framstilling der typiske trekk eller egenskaper ved en person eller sak er overdrevet eller forvrengt” (Wikipedia: karikatur). Hausten 2005 trykte den danske avisa Jyllandsposten og det norske kristne tidsskriftet Magazinet karikaturteikningar av Muhammed. Ein av karikaturane framstilte profeten med ein turban som var teikna som ei bombe (Mediemøte 2, s. 92). Asbjørnsen m.fl. fortel at denne hendinga vekte sterke reaksjonar i fleire muslimske land, det førte også til åtak på ambassadar og brenning av det norske flagg (Mediemøte 2, s. 92).
Hadde ikkje globaliseringa i verda vore eit ultimatum, hadde karikaturteikningane aldri blitt publiserte. Globaliseringa har minska verda betrakteleg. For 15 år sidan hadde ikkje karikaturstriden i den forma han fekk no, vore mogleg. Da ville ikkje artiklar som stod på trykk i Skandinavia, ha nådd folk i den arabiske verda (Mediemøte 2, s.92).
Ein kan oppsummere det heile ved å seie at verda krympar, og at vi kan kalle årsaka til det globalisering. Det globale nettverket knyter oss nærmare kvarandre enn det vi som oftast trur, og mykje tyder på at media må vera meir varsame enn før med å publisere sine saker. Særleg mediesaker som handlar om fleirkulturelle problemfelt.
Kjelder:
http://no.wikipedia.org/wiki/Globalisering
Mediemøte 2